UEFA Çempionlar Liqasının pley-off mərhələsində "Qarabağ"ın rəqibi olan İngiltərənin "Nyukasl Yunayted" klubu ölkə Kubokunda (FA Cup) 1/8 finala vəsiqə qazanıb.

Prosport.Az xəbər verir ki, “sağsağanlar" səfərdə "Aston Vila"nı 3:1 hesabı ilə məğlub edib.

Baxmayaraq ki, komanda ilk hissədən sonra 0:1 uduzurmuş. Lakin Birmingem təmsilçisi 45+1-ci dəqiqədə niderlandlı qapıçı Marko Bizotun birbaşa qırmızı vərəqə almasından sonra 10 nəfərlə oynamalı olub. "Nyukasl"dan qolları italiyalı Sandro Tonali (2) və almaniyalı Nik Voltemade vurub. 

"Nyukasl" növbəti oyununda "Qarabağ"la ilk oyununu keçirmək üçün Bakıya səfər edəcək. Qarşılaşma fevralın 18-də Tofiq Bəhramov adına Respublika stadionunda keçiriləcək və görüşə saat 21:45-də start veriləcək.