"Neftçi" Azərbaycan Basketbol Liqasının XVII turunda "Şəki"yə 93:77 hesabı ilə qalib gəlib.

Prosport.Az xəbər verir ki, matçdan sonra hər iki komandanın baş məşqçisi fikirlərini bölüşüb.

Vitali Stepanovski ("Neftçi"): "Hamını qələbə münasibətilə təbrik edirəm. Oyuna yaxşı başladıq və yüksək enerji bu gün bizə müsbət nəticə qazandırdı. Oyunboyu nəzarəti əlimizdə saxladıq və tam heyətlə çıxış etməməyimizə baxmayaraq, uşaqlar meydanda öz dəqiqələrini çox yaxşı oynadılar. Onlara münasibətlərinə görə təşəkkür edirəm və indi diqqətimizi ölkə kubokuna hazırlığa yönəltməliyik".

Bedri Meriç ("Şəki"): "Qələbəyə görə rəqibi təbrik edirik. İlk hissədə çox pis oynadıq. 2-ci hissədə bəzi şeyləri dəyişdirdik, daha aqressiv oynadıq. Məhz belə çıxış etməliyik. Rəqibimiz də bu gün atışlarda uğurlu idi. İlk hissədə zəif oynamağımıza görə matçda uduzduq".