"Gəncə" Azərbaycan Basketbol Liqasının XVI turunda NTD-yə 104:85 hesabı ilə qalib gəlib.

Prosport.Az xəbər verir ki, oyundan sonra hər iki komandanın baş məşqçisi fikirlərini bölüşüb.

Halil Atlı ("Gəncə"): "Komandamı təbrik edirəm. Yaxşı oynadığımızı düşünürəm. Son mərhələdə hamı meydanda bir-birini daha yaxşı anlayır. Oyunda hamıya şans verdik, qələbədə payları oldu. Çox sevincliyəm. Rotasiya edib hesabı bölüşdürdük. Carvis Qarreti zədəyə görə oynada bilmədik. Ona baxmayaraq rəqibə qarşı belə oynamağımız məni xoşbəxt etdi. NTD klubuna növbəti oyunlarda uğurlar arzulayıram. Azərbaycanın ən köklü klublarındandır, klub rəhbərliyi, texniki heyəti kifayət qədər təcrübəlidir. Baş məşqçilərinə hörmətlə yanaşıram, Azərbaycan basketbolu üçün önəmli fiqurdur".

Tahir Baxşıyev (NTD): "Bu gün çox zəif oynadıq. Müdafiədə çoxlu səhvlərə yol verdik. Yüksək səviyyədə çıxış etmədik. Rəqib qələbəyə daha çox layiq idi. “Gəncə” qələbəni daha çox istəyirdi. Qarşıda “Abşeron Layns”la oyun var. Bu oyuna hazırlaşacağıq".