12-15 fevralda BƏƏ-nin Əl-Fujeyra şəhərində keçiriləcək idman karatesi üzrə Gənclər Liqası yarışında Azərbaycan 29 atletlə təmsil olunacaq.

Prosport.Az-ın xəbərinə görə, bunlardan 8-i 14 yaşadək (U-14) karateçilərin, 10-u yeniyetmələrin və 11-i gənclərin yarışında mübarizə aparacaq. 

U-14: Qəhrəman Rzaquliyev (40 kq), Sofiya Yəhyazadə (42 kq), Vladimir Qrımzin (45 kq), Fatimə Hüseynli (47 kq), Kamran Cəfərli, Ənvər Səfərov (hər ikisi 50 kq), Xədicə Qasımova (52 kq), Yusif Qəhrəmanlı (+55 kq);

Yeniyetmələr: Şahbala Quliyev (52 kq), Nigar Xanəliyeva (54 kq), Ümid Əliyev, Hüseyn Babayev, Yusif Bağırlı (hər üçü 57 kq), Arif Xəlil (63 kq), Mədinə Kazımova (+61 kq), Anar Əlizadə, Əli Əzimov, Şamo Kamilov (hər üçü +70 kq);

Gənclər: Sərvin Məmmədzadə, Nərgiz Yəhyazadə (hər ikisi 48 kq), Vüsal Qənbərov, Məhəmməd Cabbarov (hər ikisi 55 kq), Ələşrəf Qafarov, Rauf İmanov, Mikayıl Nağıyev, Bəhmən Orucov (hamısı 61 kq), Ələddin Məlikov (68 kq), Elton Əliyev, Nəsimi Musayev (hər ikisi 76 kq).

Xatırladaq ki, bundan əvvəl 6-8 fevral tarixlərində Kiprin Limassol şəhərində yeniyetmə, gənclər və U-21-lərin Avropa çempionatı keçiriləcək. Həmin yarışda çıxış edən 24 idmançıdan yalnız Mədinə Kazımova, Vüsal Qənbərov və Ələddin Məlikov BƏƏ-dəki turnirdə də mübarizə aparacaq.