"Sabah" Azərbaycan Basketbol Liqasının XV turunda "Abşeron Layns"ı 117:96 hesabı ilə məğlub edib.

Prosport.Az xəbər verir ki, hər iki komandanın baş məşqçisi oyunla bağlı fikirlərini bölüşüb.

Ərhan Tokər ("Abşeron Layns"): "Bu gün bizim bəzi oynaya bilməyən oyunçularımız var idi. Ceylon Şounun zədəsi var idi. Yoxluğu bizə çox təsir göstərdi. Saadettin Donat da oyun vaxtı zədəsi olduğunu bildirdi. Onu da istədiyimiz kimi oynada bilmədik. Bunun fonunda foulların bizim rotasiya imkanlarını pozması, oyunu başabaş aparmağımıza imkam vermədi. "Sabah" çox güclü komandadır. Buna baxmayaraq mənə elə gəlir ki, biz yaxşı mübarizə apardıq. Hörməti haqq etdiyimizi düşünürəm".

Rimas Kurtinaytis ("Sabah"): "Hər oyuna qələbə üçün çıxırıq. "Absheron Layns" ilə ötən oyundan müəyyən nəticələr çıxarmışdıq. Rəqib çox yaxşı komadadır. Rəqibin lideri Freyzeri neytrallaşdırmağı bacardıq. Müdafiədə oyunumuzdan razı qalmasam da, matça nəzarət bizdə idi. Başlanğıc bir qədər əsəbi alındı. Amma bu səviyyədə oyunlar üçün bunu normal hesab edirəm. Qələbəyə görə şadam. Bu gün güclü tərəf biz idik. Lakin bu oyunu unudub, növbəti görüşlərə hazırlaşmalıyıq. Qarşıda kubok oyunları da var. Liqada inkişaf hiss olunur. Komandalar heyətlərinə yaxşı legionerlər cəlb ediblər. "Absheron Layns" avrokuboklardan sonra daha fərqli oynayır. Düşünürəm ki, həm onlara, həm də bizə avrokubok təcrübəsi çox faydalı oldu".