"Sumqayıt" Azərbaycan Basketbol Liqasının XV turunda öz meydanında "Sərhədçi"yə 94:98 hesabı ilə məğlub olub.

Prosport.Az xəbər verir ki, hər iki komandanın baş məşqçisi oyunla bağlı fikirlərini bölüşüb.

Vadim Kuramşın ("Sumqayıt"): "Sərhədçi"ni qələbə münasibətilə təbrik edirəm. Ardıcıl 3 qələbədən sonra biz arxayınlaşdıq. Bu gün çox kobud səhvlərə yol verdik. Ümid edirəm ki, "Lənkəran"a qarşı keçirəcəyimiz növbəti matçda bu səhvləri təkrarlamayacağıq. Bu gün oyunumuzda ən faciəvi məqam rəqibə 50 ribaund toplamağa imkan verməyimiz oldu. Buna da səbəb mərkəz oyunçumuz Elayca Hatçins-Everettin olduqca zəif çıxışı idi. Belə ucaboy mərkəz oyunçumuz var, amma biz bütün ribaundları uduzuruq. Bu gün o, öz günündə deyildi".

Anar Sarıyev (“Sərhədçi”): “Çox çətin oyun oldu. Oyunçularımı təbrik edirəm. Sona qədər çox yaxşı mübarizə apardılar. Baxmayaraq ki, əsas oyunçularımızdan biri yox idi, oynaya bilmədi. Amma meydanda olanlar tam yaxşı mübarizə apardılar. Bir də təbrik edirəm”.