"Rəqibi qələbə münasibəti ilə təbrik edirəm. Bizim üçün keyfiyyətli oynamaq mümkün deyil, çünki son dəfə "5-ə 5" formatında məşq etdiyimiz tarix 22 dekabr olub".

Prosport.Az xəbər verir ki, bu sözləri "Lənkəran”nın baş məşqçisi Georgi Kondruseviç Azərbaycan Basketbol Liqasının XV turunda evdə "Ordu"ya 63:103 hesabı ilə uduzduqları oyundan sonra deyib.

Mütəxəssis məğlubiyyəti belə şərh edib: "Biz cəmi 9 nəfərik və bugünkü oyunda 2 basketbolçumuz da zədələndi. Düşünürəm ki, zədələr hələ də olacaq, çünki hələlik sağlam oyunçuların üzərinə düşən yük çox böyükdür. Ona görə də nəticələr qanunauyğundur".