"Əvvəla, “Sərhədçi” komandasını bugünkü mübarizəsinə görə təbrik edirəm. Bizim bu qələbəyə çox ehtiyacımız vardı. Matçda sonadək öndə olub, qalib gəldiyimiz üçün şadam, oyunçularına təşəkkür edirəm".

Prosport.Az xəbər verir ki, bu sözləri "Şəki"nin baş məşqçisi Bedri Meriç basketbol üzrə Azərbaycan Kubokunun 1/8 final mərhələsində "Sərhədçi"yə ni 92:75 hesabı ilə qalib gəldikləri oyundan sonra deyib.

Türkiyəli mütəxəssis qələbəni belə şərh edib: "Azərbaycan Kubokunda 3+2 sistemi olsa da, biz çempionatda da 2 yerlidən istifadə etdiyimiz üçün çətinlik çəkmədik. Kubokda sonadək getmək üçün əlimizdən gələni edəcəyik. Burda mərhələ adlamağımızın əsas önəmi çempionatda pley-offa qala bilmək üçün pley-in matçlarında da B qrupundan bir komanda ilə düşməyimizin dəqiqləşməsidir".

O bildirib ki, kapitan Samir Stüart uzun müddətdir zədəsinə görə oynamır və komandası əskik heyətlə çıxış edir: "Təəssüf ki, o, müalicəsinə vətəni ABŞ-də davam edəcək və bu həftə aramızdan ayrılacaq. Bu səbəbdən komandamıza gələn həftə yeni qatılan oyunçular olacaq”.
Qeyd edək ki, "Şəki" 1/4 finalda "Abşeron Layns"la qarşılaşacaq.