Basketbol üzrə Azərbaycan Kubokunun 1/8 final mərhələsinə yekun vurulub.

Prosport.Az xəbər verir ki, son oyun günündə 2 görüş keçirilib. Qarşılaşmalardan biri Şəkidə, digəri Bakıda baş tutub.

"Şəki" "Sərhədçi"ni 92:75, "Sumqayıt" isə NTD-ni 116:94 hesabı ilə məğlub edib.

Qeyd edək ki, Şəki təmsilçisi növbəti raundda "Abşeron Layns"la, "Sumqayıt" isə "Ordu" ilə üz-üzə gələcək. 1/4 finalın digər 2 matçında "Quba" "Sabah"ı, "Neftçi" isə "Gəncə"ni sınağa çəkəcək.