"Rəqibimizi təbrik edirik. Əslində müdafiədə yaxşı oynadıq. Sadəcə, rəqib hücumlarda yaxşı çıxış etdi. Ribaundlarda da rəqibə uduzduq. Məyusam".

Prosport.Az xəbər verir ki, bu sözləri "Şəki"nin baş məşqçisi Bedri Meriç Azərbaycan Basketbol Liqasının XII turunda "Neftçi"yə 60:82 hesabı ilə uduzduqları oyundan sonra deyib.

Türkiyəli mütəxəssis çərşənbə günü “Sərhədçi” ilə kubok matçlarının olduğunu, bütün diqqəti həmin görüşdə qalib gəlməyə yönəldəcəklərini bildirib: "Kubokda “Sərhədçi”ni keçsək, “Abşeron Layns”la qarşılaşacağıq. Onlar da tanıdığımız komandadır. Kubokda 3+2 sisteminin olması bizim üçün üstünlükdür. Çünki çempionatda demək olar ki, 2 yerli oyunçudan da istifadə edirik. Ona görə də Azərbaycan Kubokunda mümkün qədər uzağa getməyə çalışacağıq”.