Azərbaycan Basketbol Liqasının XII turunda bu gün daha 2 qarşılaşma baş tutacaq.

Prosport.Az xəbər verir ki, hər 2 matç A qrupunda keçiriləcək.

Saat 14:00-da "Sabah" NTD ilə üz-üzə gələcək. "Sabah" 19 xalla qrupda 2-ci yerdədir. Sonuncu - 6-cı pillədə olan NTD-nin isə 11 xalı var.

Günün son qarşılaşması saat 17:00-da "Neftçi" və "Şəki" arasında keçiriləcək. "Neftçi" 14 xalla 4-cüdür. "Şəki" isə 13 xalla 5-ci pillədə yer alıb.

Hər 2 matç "Sərhədçi" İdman Mərkəzində oynanılacaq.

Qeyd edək ki, turun daha əvvəl keçirilən görüşlərində "Ordu" "Quba"nı (116:111), "Lənkəran" "Sərhədçi"ni (72:69), "Naxçıvan" isə "Sumqayıt"ı (97:81) üstələyib. XII tura yanvarın 11-də yekun vurulacaq.