"İlk olaraq “Sumqayıt"ı yaxşı mübarizə apardığına görə təbrik edirəm".

Prosport.Az xəbər verir ki, bu sözləri "Naxçıvan"ın baş məşqçisi Nikola Bozinoski Azərbaycan Basketbol Liqasının XII turunda "Sumqayıt"a 97:81 hesabı ilə qalib gəldikləri oyundan sonra deyib.

Mütəxəssis matçla bağlı fikirlərini bölüşüb: "Bizə gəldikdə isə çox yaxşı oyun nümayiş etdirdik. 3 xallıq və cərimə atışlarında zəif çıxış etsək də, yekunda qələbə qazanmağı bacardıq. Heyətimizdə zədəli oyunçuların və problemlərin olmasına baxmayaraq, komandamız xarakter göstərdi. Fasilədən sonra ilk matçımıza çıxsaq da yaxşı mübarizə apardıq. Oyunçularımı təbrik edirəm".