"Naxçıvan"ı qələbə münasibətilə təbrik edirəm.  Oyunun əvvəlində atışlarımız dəqiq olmadı. Nəticədə rəqib fərqi açdı. Sona qədər onlara çata bilmədik.

Prosport.Az xəbər verir ki, bu sözləri "Sumqayıt"ın baş məşqçisi Vadim Kuramşın Azərbaycan Basketbol Liqasının XII turunda "Naxçıvan"a 81:97 hesabı ilə uduzduqları oyundan sonra deyib.

Mütəxəssis məğlubiyyəti belə şərh edib: "Hazırkı vəziyyətdə gənc və perspektivli oyunçularımıza çox şans vermək və oyunumuzu onlar üzərində qurmaq istəyirəm. Sadəcə onlar komandaya yeni qoşulub deyə hər şey istəyimiz kimi alınmır. Allah eləsin, gələcəkdə onların effektini görək. Hazırda qrupda sonuncu pillədə olsaq da, qorxulu heç nə yoxdur.  Önümüzdəki komandadan cəmi 1 xal geridəyik. Bu dövrədə əsas rəqiblərimiz "Quba" və "Sərhədçi"ni məğlub edib vəziyyətdən çıxmaq istəyirik. Son dövrədə isə artıq 4+1-lə oynayacağıq, bu da işimizə yarayacaq".