"Lənkəran" Azərbaycan Basketbol Liqasının XII turunda səfərdə "Sərhədçi"yə 72:69 hesabı ilə qalib gəlib.

Prosport.Az xəbər verir ki, matçdan sonra hər iki komandanın baş məşqçisi fikirlərini bölüşüb.

Anar Sarıyev ("Sərhədçi"): "Oyun barəsində heç nə demək istəmirəm. Rəqibi təbrik edirəm. Uzun yoldan gəlmişdilər. Heyətlərində də bir neçə itki var idi. Amma mübarizə aparıb qələbə qazandılar".

Qeorgi Kondruseviç ("Lənkəran"): "Komandamı ilin ilk qələbəsi münasibəti ilə təbrik edirəm. Bizdən asılı olmayan səbəblərə görə heyət baxımından çətinliklərlə üzləşdik. Normal şəkildə hazırlaşmaq imkanımız olmadı. Matça üçün ixtiyarımda cəmi 8 basketbolçu var idi. Amma uşaqlar xarakter göstərdilər və sübut etdilər ki, meydançada bütün gücünü və imkanlarını ortaya qoysan, hər şeyə nail olmaq olar. Onlarla qürur duyuram. Bu oyunda parket üzərində olan bütün basketbolçuların qələbədə payı danılmazdır”.