“5 xallıq fərqlə uduzduq. Güclü müqavimət göstərdik, hətta sona yaxın önə də keçdik. Amma şans bizdən üz döndərdi".

Prosport.Az xəbər verir ki, bu sözləri "Quba"nın baş məşqçisi Şəhriyar Əsgərov Azərbaycan Basketbol Liqasının XII turunda “Ordu”ya 111:116 hesabı ilə uduzduqları oyundan sonra deyib.

Mütəxəssis məğlubiyyəti şərh edib: "Oyunçulara heç nə demək olmaz, çünki oynadılar, əllərindən gələni etdilər. Sadəcə, rəqib güclüdür, ehtiyat skamyasında yaxşı oyunçular var. Yeni götürdüyümüz oyunçu Hüseyn pis çıxış etmədi. Sevindirici haldır ki, ilk matçda özünü göstərdi. Gələcəkdə bizə daha çox kömək edəcəyini düşünürəm. Digər oyunçuların hamısına təşəkkür edirəm. Sonluğa yaxın Zaur Paşayevin zədə alması oyuna öz təsirini göstərdi. Hazırda tibbi müayinəyə ehtiyac var. Oyundur, hər şey olur. Qalib gələ bilərdik, amma uduzduq. Buna görə məğlubiyyət daha ağırdır”.