Prezident İlham Əliyev 17 idmançı və idman mütəxəssisini mükafatlandırıb. Bununla bağlı 25 dekabrda Sərəncam imzalanıb. Bəs bu şəxslər kimlərdir?
Prosport.Az bunu araşdırıb:
"Tərəqqi" medalı ilə təltif olunanlar:
Yaqub Abdullayev (sambo üzrə Əməkdar məşqçi)
Cahangir Ağarəhimov (şahmat qrosmeysteri)
Elmira Aslanova (Everestə çıxan ilk azərbaycanlı qadın alpinist)
Cahangir Bayramov (DİN-in Arif Heydərov adına Sıravi və Kiçik Rəis Heyəti Hazırlayan Məktəbin silsilə rəisi, polkovnik-leytenant, karate üzrə Əməkdar idman ustası)
Coşqun Əliyev (Bu il Tokioda keçirilən Deflimpiya Oyunlarının cüdo üzrə gümüş mükafatçısı)
Fikrət Hüseynov (Velosiped İdmanı Federasiyasının icraçı vitse-prezidenti, Heydər Əliyev adına İdman-Konsert Kompleksinin direktoru)
Azər Məhərrəmov (Armrestlinq üzrə usta idmançı, Milli qəhrəman Asif Məhərrəmovun ("Fred" Asif) oğlu)
Eduard Məmmədov (Kikboksinq Federasiyasının vitse-prezidenti və İdarə Heyətinin sədr müavini, kikboksinq üzrə böyüklərdə və masterlərdə dünya və Avropa çempionu)
Vəfa Musayeva (Everestə çıxan ilk Azərbaycan vətəndaşlığı olan qadın alpinist)
Nurəddin Rəcəbov (yunan-Roma güləşi üzrə U-20 millisinin böyük məşqçisi)
"Əməkdar bədən tərbiyəsi və idman xadimi" fəxri adı alanlar:
Zöhrab Gözəlbəyli (Voleybol Federasiyasının Kommunikasiya şöbəsinin rəhbəri)
Ələkbər İmaməliyev (Azərbaycanın taekvondo üzrə Avropa çempionatında (1996-cı ildə Helsinkidə keçirilmiş yarışda bürünc medal qazanıb) ilk medalçısı)
İlahə Qədimova (Şahmat Federasiyasının baş katibi)
Mövlud Mirəliyev (DİN İdman Cəmiyyətinin sədri, polkovnik, Xüsusi Olimpiya Komitəsinin prezidenti, cüdo üzrə olimpiya və dünya mükafatçısı, veteranlar arasında üçqat dünya çempionu)
İdmanın inkişafında uzunmüddətli səmərəli fəaliyyətinə görə Azərbaycan Prezidentinin fərdi təqaüdü verilənlər:
Qərib Əliyev (Güləş Federasiyasının Hakimlər Kollegiyasının sədri)
Tərlan Həsənov ("Kanokan TT" Peşəkar Cüdo İdman Klubunun rəhbəri və müəllimi, Əməkdar məşqçi)
Asim Xudiyev (sabiq FIFA referisi, hakim-inspektor, "Neftçi"nin sabiq futbolçusu)