"Oyuna yaxşı başlasaq da, yekunda çox pis nəticə göstərdik".

Prosport.Az xəbər verir ki, bu sözləri “Naxçıvan”ın baş məşqçisi Nikola Bozinoski Azərbaycan Basketbol Liqasının XI turunda "Ordu"ya 64:86 hesabı ilə uduzduqları oyundan sonra deyib.

Mütəxəssis müəyyən dəqiqələrdə xal qazanmaqda çox çətinlik çəkdiklərini bildirib: "Çox pis 3-lük faizi ilə çıxış etdik. Hər matç rəqibin 2 oyunçusunu dayandıra bilmirik. Rəqib hesabda önə keçdikdən sonra komandamız zəif mübarizə apardı. Biz də sadə yolla görüşü rəqibimizə hədiyyə etdik".