Azərbaycan Basketbol Liqasının X turunda "Abşeron Layns" "Sabah"a qalib gəlib.

Prosport.Az xəbər verir ki, A qrupunun oyununda komanda 101:97 hesablı qələbə qazanıb.

Qarşılaşma Bakı İdman Sarayında keçirilib.

Bununla da "Sabah"ın məğlubedilməz oyunlar seriyasına son qoyulub.

Qeyd edək ki, turun əvvəlki oyunlarında "Sərhədçi" "Sumqayıt"ı (86:83), "Naxçıvan" "Quba"nı (78:69), "Ordu" "Lənkəran"ı (84:72), "Gəncə" isə "Şəki"ni (78:73) məğlub edib. X tura dekabrın 21-də yekun vurulacaq.