"Ordu"nu qələbə münasibəti ilə təbrik edirəm".

Prosport.Az xəbər verir ki, bu sözləri “Lənkəran”ın baş məşqçisi Georgi Kondruseviç Azərbaycan Basketbol Liqasının X turunda “Ordu" ilə oyundan sonra deyib.

Mütəxəssis 72:84 hesablı məğlubiyyəti şərh edib: "Oyun boyu çoxlu toplar itirdik. Rəqib çox yaxşı pressinq edirdi. Bizim cəmi 10 basketbolçumuz var. Rotasiya etmək imkanımız yoxdur. Oyun boyu da bu özünü mənfi tərəfdən göstərir. Stabil mübarizə apara bilmirik. Oyunçular çalışır, amma bu kifayət etmir. Bizə yeni basketbolçular lazımdır. Rəqabət olmalıdır. Təssüf ki, bu da bizdə yoxdur. Amma əlimizdə olanlarla çalışırıq. Öz oyunumuzu göstərməyə cəhd edirik. Bu matçda da döyüşdüyümüzü düşünürəm”.