"Bəzən illər boyu yanımda olan insanın mənə yaxın olduğunu düşünərək yanıldığım olub. Keçmişə qayıtmaq mümkün olsaydı, dost seçimində daha diqqətli olardım".

Prosport.Az xəbər verir ki, bu sözləri dünya karatesinin əfsanəsi Rafael Ağayev PODKAT layihəsində iştirakı zamanı öz həyat yolunu şərh edərkən deyib.

Titullu veteran idmançı bildirib ki, bəzən uzun illər yanında olan insanlar barəsində də yanılmaq mümkündür.

O, həmçinin qeyd edib ki, İrina Zaretskanı dünya çempionatında bürünc medal qazanması münasibəti ilə bəzi şəxslər təbrik edib paylaşmasalar da, bizim bayrağımızı qaldıran idmançını təbrik etmək vətandaş borcudur.

R. Ağayev sadə bir gənc olduğu dövrdə fransalı rəqibindən dünya karate əfsanəsi titulunu necə aldığını da danışıb. Məşhur idmançı tamaşaçılara əsl döyüşçünün hansı xarakterə malik olmalı olduğunu, həyəcanı necə dəf etməyi, eləcə də motosiklet və digər idman növlərinə olan sevgisindən söz açıb.

"Karate üzrə Avropa çempionu olduğum vaxt futbola keçmək istəyirdim", - deyə Rafael Ağayev bu oyuna olan marağını belə ifadə edib.

Podkastın tam versiyasını təqdim edirik: