"Bu gün kapitanımız Samir Stüart zədəyə görə oynaya bilmədi. Rəqibdə qard oynamırdı. Çox məyusuq. Qalib gəldiyimiz matçda uduzduq".

Prosport.Az xəbər verir ki, bu sözləri "Şəki"nin baş məşqçisi Bedri Meriç Azərbaycan Basketbol Liqasında "Neftçi" ilə VII turdan təxirə salınmış oyundan sonra deyib.

Türkiyəli mütəxəssis 67:84 hesablı məğlubiyyəti şərh edib: "4-cü periodda etdiyimiz səhvlərlə matçı qələbə ilə başa vura bilmədik. Rəqib aldığı ribaundlardan sonra 3 xallıq atışlar etdi". 

B. Beriç A qrupunda zəif büdcə ilə oynadıqlarını vurğulayıb: "Təəssüf ki, bizimlə oxşar epizodlarda rəqibin xeyrinə fitlər çalınır. Onların 32 sərbəst atışı olduğu halda, bizim 8 atışımız olub. Hakimlərin də formada olmadığı anlar ola bilər. Ancaq bu mövsüm bizə qarşı bir neçə dəfə bu hal təkrarlanıb".

O, Samir Stüartın növbəti 2 matçda da komanda ilə birgə ola bilməyəcəyini əlavə edib.