"Kluba səmimi şəkildə dəyər verən və dəstəkləyən hər kəsi təbrik edirəm".
Prosport.Az xəbər verir ki, bu sözləri "Neftçi"nin baş məşqçisi Vitali Stepanovski Azərbaycan Basketbol Liqasında "Şəki" ilə VII turdan təxirə salınmış oyundan sonra deyib.
Mütəxəssis 84:67 hesablı qələbəni şərh edib: "Xarakterlərinə, istəklərinə, emosiyalarına və mübarizə ruhlarına görə komandaya təşəkkür edirəm. Oyunumuzun keyfiyyətini qoruyub saxlamalı və mümkün qədər az səhv etməyə çalışmalıyıq. Qarşıdakı oyunlara inamla baxırıq və bütün çətinliklərə baxmayaraq, birlik ruhumuzu qoruyub saxlayırıq".