“Sabah” basketbol klubu FIBA Çempionlar Liqasının qrup mərhələsində qalıb.

Prosport.Az xəbər verir ki, Berlində “Alba” klubu ilə üz-üzə gələn Rimas Kurtinaytisin kollektivi 82:106 hesabı ilə uduzaraq turnirdə mübarizəni dayandırıb.

Qrupun Fransada keçirilən digər matçında "Elan" Şalonda "Era"nı 97:84 məğlub edib.

Qeyd edək ki, ilk dəfə Çempionlar Liqasının qrup mərhələsində mübarizə aparan “Sabah” B qrupunu 7 xalla sonuncu – 4-cü pillədə bitirib. “Alba” və Fransanın “Elan” klubları hərəyə 11 xalla müvafiq olaraq 1-ci və 2-ci pillədə yer alıb. “Sabah”la eyni xala malik Çexiyanın “Era” komandası 3-cü olub. Bununla da "Alba" pley-offa qrup lideri kimi vəsiqə qazanıb. "Elan" və "Era" isə pley-offa düşmək üçün pley-ində mübarizə aparacaq.