"Ordu"nu qələbə münasibətilə təbrik edirəm".

Prosport.Az xəbər verir ki, bu sözləri "Sumqayıt"ın baş məşqçisi Vadim Kuramşın Azərbaycan Basketbol Liqasının IX turunda "Ordu"ya 86:106 hesabı ilə uduzduqları oyundan sonra deyib.

Mütəxəssis matçla bağlı fikirlərini bölüşüb: "Uşaqlar adəti üzrə yenə də ilk hissədə yaxşı oynadılar, fasilədən sonra rəqib fərqi yenə də artırdı. Buna da səbəb oyun qurucumuz Klerqotun zədələnməsi oldu. Biz də bu fərqi əridə bilmədik. Hər halda, belə yaxşı komanda ilə oyunda bunu etmək çətindir. Eybi yox, səhvlərimizin üzərində işləyəcəyik. Çalışacağıq ki, növbəti oyunda qələbə qazanaq. O ki qaldı yeni transferimiz Cey-Cey Kolakona, hələlik komandanın taktikasına tam bələd olmadığına görə ona az vaxt verirəm. Çempionatın 2-ci hissəsində hazır vəziyyətdə olacaq".