"Rəqibimizi təbrik edirəm. Məncə, yeni transferlərdən sonra yaxşı komanda olublar".

Prosport.Az xəbər verir ki, bu sözləri "Şəki"nin baş məşqçisi Bedri Meriç Azərbaycan Basketbol Liqasının IX turunda NTD-yə 79:93 hesabı ilə uduzduqları oyundan sonra deyib.

Türkiyəli mütəxəssis matçla bağlı fikirlərini bölüşüb: "Bizə gəlincə, 2 turdur bərbad müdafiə olunuruq. Təəssüf ki, planlarımızı meydanda tətbiq edə bilmirik. Bu gün də rəqibin bildiyimiz cəhətlərinin qarşısını ala bilmədik. Halbuki bunların üzərində oyundan öncə məşq keçmişdik. Müdafiədə daha da aqressiv olub, bəzi şeyləri dəyişməyimiz lazımdır". 

O, komandanın kapitanımız Samir Stüartın son periodda zədələndiyini bildirib: "Onun durumu barədə dəqiq məlumatım yoxdur. Xəstəxanada baxılacaq. Ümid edirəm ki, ciddi zədəsi yoxdur. Çünki çətin təqvim bizi gözləyir. Çərşənbə günü “Neftçi” ilə təxirə salınmış matç keçirəcəyik, şənbə günü isə “Gəncə” ilə qarşılaşacağıq. Daha sonra Bakıda “Abşeron Layns”la matçımız var. Xüsusən evdə keçirəcəyimiz ilk 2 matçda qalib gəlməyimiz lazımdır”.