"Biz cəmi 2 məşq əvvəl 10 nəfər toplaşmışıq. Bu isə müdafiənin keyfiyyətinə ciddi təsir etdi. Necə qalib gəlmək istəyirik ki, oyunun 1-ci və 2-ci hissəsində müvafiq olaraq 50 və 45 xal buraxırıq?! Məncə, bu mümkün deyil".

Prosport.Az xəbər verir ki, bu sözləri “Lənkəran”nın baş məşqçisi Georgi Kondruseviç Azərbaycan Basketbol Liqasının IX turunda “Quba”ya 87:95 hesablı məğlubiyyətdən sonra deyib.

Mütəxəssis rəqibin liderlərini dayandıra bilmədiklərini söyləyib: "Bu gün bütün təhlükə yalnız onlardan gəlirdi və biz buna hazır deyildik. Sonluqda isə bir qədər çətin vəziyyətə düşdük və planlaşdırdığımız kimi oynaya bilmədik. “Quba”nı təbrik edirəm. Bu gün qələbəni daha çox onlar haqq edirdilər. Hazırlıqlarımızı davam etdirəcəyik. Ümid edirəm ki, daha zədələrimiz olmayacaq. Oyunumuzdan nəticə çıxartmağa çalışacağıq”.