"Qarabağ"ın 12 yaşadək komandası (U-12) Qazaxıstanın paytaxtı Astanada qazax şairi, yazıçısı, ictimai xadim, müasir qazax yazılı ədəbiyyatının banisi, maarifçi liberal 
Abay Kunanbayevin anadan olmasının 180 illiyinə həsr olunan "Astana Cup" beynəlxalq turnirində 5-ci olub.

Prosport.Az xəbər verir ki, A qrupunda çıxış edən Şöhrət Yusifovun baş məşqçisi olduğu "Qarabağ" qrup mərhələsini 6 xalla 2-ci sırada tamamlayıb.

1/4 finalda Moskva "Spartak"ı ilə qarşılaşan komandamız 0:3 hesabı ilə məğlub olub. 5-ci yer uğrunda mübarizədə əvvəlcə "Abdış-Ata"nı üstələyən "Qarabağ" daha sonra yerli "Jenis" üzərində 3:1 hesablı qələbə qazanaraq 16 komandanın iştirak etdiyi turniri 5-ci yerdə başa vurub.

Komandanın nəticələri:
"Qarabağ" – "Saran" (Qazaxıstan) 19:0
"Qarabağ" – "OK Kızıljar" (Qazaxıstan) 2:0
"Qarabağ" – SDYUŞOR №8 (Qazaxıstan) 0:1
"Qarabağ" – "Spartak" (Moskva, Rusiya) 0:3
"Qarabağ" – "Abdış-Ata" (Qazaxıstan) 5:5 (penaltilər: 2:0)
"Qarabağ" – "Jenis" 3:1

"Qarabağ"ın futbolçusu Mirəli Ağalarov isə "Astana Cup 2025"in bombardiri olub. O, 11 qol vurduğu üçün xüsusi mükafatlandırılıb.

Qeyd edək ki, çempion "Paxtakor" (Özbəkistan) olub. "Astana" (Qazaxıstan) gümüş, Moskva "Spartak"ı bürünc medallar qazanıb. Yarışda Azərbaycan və Rusiya ilə yanaşı, Orta Asiyanın 5 ölkə təmsilçiləri mübarizə aparıb.