FIBA Çempionlar Liqasının V turu çərçivəsində Bakıda keçirilən oyunda Çexiyanln "Nimburk" klubu "Sabah"a 85:107 hesabı ilə uduzub. 

Prosport.Az xəbər verir ki, oyundan sonra keçirilən mətbuat konfransında rəqib komandanın baş məşqçisi Oren Amiel və basketbolçu SerCabari Rays media önünə çıxıb. 

Əvvəlcə 24 xal toplayan amerikalı oyunçu matçla bağlı fikirlərini bölüşüb: "Biz çətin oynadıq. Ribaund və atışlarda çox səhvlər etdik. Rəqib komanda möhkəm oynadı".

İsrailli baş məşqçi Oren Amiel isə bu fikirləri səsləndirib: "Əvvəlcə Rimas Kurtinaytisi və komandasını təbrik edirəm. Onlar qələbəyə layiq idi. Bizdən daha yaxşı oynadılar. Basketbolda topu geri qazana bilmirsənsə, ribaundlarda səhvlər edirsənsə, qalib gəlmək də çətin olacaq. Ilk oyunla müqayisədə "Sabah"ın heyətində dəyişikliklər vardı. Ancaq bu, basketboldur. Yaxşı oynayan qalib gəlir".