Azərbaycan Basketbol Liqasının IX turunun A qrupunda "Sərhədçi" İdman Mərkəzində baş tutmalı olan "Sabah" – "Gəncə" oyunu təxirə salınıb.

Prosport.Az-ın xəbərinə görə, təxirəsalmaya səbəb "Sabah"ın FIBA Çempionlar Liqasında matçının olmasıdır.

Qeyd edək ki, "Sabah" dekabrın 16-da Çempionlar Liqasının B qrupunun son turu çərçivəsində Almaniyanın paytaxtı Berlində Avroliqa iştirakçısı olmuş "Alba"nın qonağı olacaq. Onu da bildirək ki, ilk 4 görüşdə məğlub olmuş "Sabah" qrupda son 2 matçında qalib gəlsə, 3-cü kimi pley-inə vəsiqə qazanmaq şansını saxlayır.