Azərbaycanın basketbolçu qızlardan ibarət yeniyetmə (U-16) millisi Belarusun sabiq idman və turizm naziri, ölkənin Milli Olimpiya Komitəsinin ilk prezidenti Vladimir Rıjenkovun xatirəsinə həsr olunan XXVIII beynəlxalq turnirdə 2-ci olub.

Prosport.Az xəbər verir ki, türkiyəli baş məşqçi Evrən Alkayanın rəhbərlik etdiyi yığmamız bu dəfə Qazaxıstandan güclü olub – 74:60.

Polad Həsənovun baş məşqçisi olduğu oğlanlarımız isə Qazaxıstana da uduzub – 48:65.

Beləliklə, qız yığmamız turniridə 5 xalla 2-ci, oğlan millimiz isə 3 xalla sonuncu – 4-cü olub. Bundan başqa, basketbolçularımıza təşkilatçılar tərəfindən fərdi mükafat verilib.

Qeyd edək ki, dekabrın 5-də qızlarımız Belarusu 65:61 hesabı ilə məğlub etmişdi. Oğlanlarımız isə meydan sahibi yığmasına 32:103 yenilmişdi. Dünən isə qızlarımız Rusiya millisinə 50:80, oğlanlarımız isə Permin "Olimpiyets" Olimpiya Ehtiyatları İdman Məktəbinə 41:80 hesabı ilə uduzub.