Azərbaycanlı MMA döyüşçüsü Nazim Sadıxov ABŞ-nin Las-Veqas şəhərində keçirilən UFC 323 turnirində fransalı Fares Ziama qarşı döyüşdə vaxtından əvvəl məğlub olub.

Prosport.Az xəbər verir ki, yüngül çəkidə gedən döyüşün 2-ci raundunun sonunda Ziamın endirdiyi sərt dirsək zərbələrindən sonra hakim qarşılaşmanı dayandırıb.

Bununla da Nazim Sadıxovun 12 döyüşlük məğlubiyyətsizlik seriyası qırılıb. Onun karyerasında hazırda 11 qələbə, 2 məğlubiyyət və 1 heç-heçə var. Bu, idmançının karyerasında ilk nokautla məğlubiyyətidir. Həmçinin, o, UFC-də ilk məğlubiyyətini alıb.

Fares Ziyam isə ardıcıl 6-cı qələbəsini qazanıb.

Qeyd edək ki, Nazim Sadıxov sonuncu qələbəsini iyunun 21-də Bakıda Nikolas Motta üzərində əldə etmişdi.