"Milli komandanın oyunları ilə əlaqədar çempionatda fasilə yaranmışdı. Mən yığma ilə birgə idim".

Prosport.Az xəbər verir ki, bu sözləri "Abşeron Layns"ın baş məşqçisi Ərhan Tokər Azərbaycan Basketbol Liqasının VIII turunda NTD-yə 102:87 hesabı ilə qalib gəldikləri oyundan sonra deyib.

Türkiyəli mütəxssis matçla bağlı fikirlərini bölüşüb: "2 oyunçumuz istirahətdə idi. Bir sözlə, komanda yenidən bu oyun ərəfəsində bir araya gəldi. O baxımdan bəlkə də müdafiə ilə bağlı problemlər bu gün özünü göstərdi. Başqa cür də deyə bilərəm. Konsentrasiya olunmaqda çətinlik çəkdik. Oyun daha rahat keçə bilərdi. Dediyim kimi, qarşıdakı həftələrdə çalışıb daha hazır formaya gələcəyik. Qələbə münasibəti ilə basketbolçularımı təbrik edirəm. Rəqibə də mübarizəsinə görə təşəkkür edirəm".