Azərbaycan Güləş Federasiyası yeni ilə yeni ofislə başlamaq qərarına gəlib.

Prosport.Az-ın xəbərinə görə, federasiya Heydər Əliyev prospekti, 2 ünvanında yerləşən, "Excelcior Hotel"in yanındakı ofisindən çıxıb.

Qurum artıq Heydər Əliyev prospekti, 185 ünvanında yerləşən "Çinar Plaza"ya köçüb. Federasiya bundan sonra plazanın 22-ci mərtəbəsindən fəaliyyət göstərəcək.

Qeyd edək ki, "Çinar Plaza"da idman qurumlarından Azərbaycan Minifutbol Federasiyası və "Zirə" futbol klubu da məskunlaşıb.

Onu da bildirək ki, Güləş Federasiyasının əvvəlki ofisi qurumun mərhum prezidenti Fazil Məmmədovun vaxtında açılıb. Həmin ofisin yanında federasiyaya məxsus beynəlxalq standartlara cavan verən təlim-məşq bazası və otüstü hokkey meydançası da fəaliyyət göstərir.