“İlk 2 periodda qənaətbəxş oynadıq".

Prosport.Az xəbər verir ki, bu sözləri “Sərhədçi”nin baş məşqçisi Anar Sarıyev Azərbaycan Basketbol Liqasının VIII turunda “Ordu”ya 64:100 hesablı məğlubiyyətdən sonra deyib.

Mütəxəssis matçlar bağlı fikirlərini bölüşüb: "2-ci hissədə sanki komandanı dəyişib başqa komanda etdilər. Elə bil ilk dəfə idi ki, basketbol topu, basketbol səbəti görürdülər. Bunu ona görə deyirəm ki, sanki bizi döyməyə başladılar və biz də buna razılaşdıq. Heç bir reaksiya, xarakter yox idi. Basketbola aid olmayan şeylərlə məşğul idik. Təəssüf hiss ilə deyirəm ki, bu cür zəif oyun gözləmirdim. Çünki çox hazırlaşmışdıq, qələbə qazanmağı çox istəyirdik. Düşündüyümüz oyunu sadəcə 16-17 dəqiqə sərgiləyə bildik. Əvəzləyib meydana buraxdığımız oyunçular çıxanlardan daha zəif oynadılar. Heç razı qalmadım, deyiləcək başqa söz yoxdur”.