Birləşmiş Ərəb Əmirliklərinin paytaxtı Əbu-Dabidə kikboksinq üzrə dünya çempionatı keçirilir.

Prosport.Az xəbər verir ki, Azərbaycan Kikboksinq Federasiyasının vitse-prezidenti, dünya və Avropa çempionu Eduard Məmmədov masterlər (veteran idmançılar) kateqoriyasında 63 kq çəki dərəcəsində kikboksinqin "Light Contact" və "Kick Light" versiyalarında qızıl medal qazanıb.

O, "Light Contact" növündə Sinqh Qurmare (Böyük Britaniya), Emanuel Korteş (Portuqaliya), Simone Kaloceronu (İtaliya), "Kick Light" növündə isə Ula Alvarson (İsveç), Bencamin Qalant (Kanada) və S.Kaloceronu məğlub edib.

Bununla da Eduard Məmmədov WAKO-nun keçirdiyi dünya çempionlarında 10-cu dəfə qızıl medal qazanıb.

Bundan başqa, veteranlarda Musa Abdullayev (94 kq, “Light Contact”) bürünc medal əldə edib.

Qeyd edək ki, turnirə noyabrın 30-da yekun vurulacaq.