Azərbaycanlı UFC döyüşçüsü Nazim Sadıqov “Instagram”da yeni video paylaşaraq fransalı Fares Ziyamla qarşılşamağa hazır olduğunu qeyd edib.

Prosport.Az xəbər verir ki, o, paylaşımın şərh hissəsində hazırlığın heç bir detalını diqqətdən kənarda qoymadığını və hər şeyə hazır olduğunu vurğulayıb.

İdmançının sözlərinə görə, döyüşə 16 gün qalıb və o, rinqdə özünün ən yaxşı çıxışını göstərmək niyyətindədir.

Məlumat üçün qeyd edək ki, N. Sadıqov F. Ziyamla "UFC 323” turniri çərçivəsində döyüşəcək.

Turnir dekabrın 7-də ABŞ-nin Las Veqas şəhərində keçiriləcək.

Döyüş yüngül çəki dərəcəsində baş tutacaq və bu qarşılaşma azərbaycanlı idmançı üçün UFC reytinqində irəliləmək baxımından mühüm mərhələ olacaq.