ProSport.az

Azərbaycanın sərbəst güləşçisi Arseni Cioyev Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında final görüşünə çıxıb.

Prosport.Az xəbər verir ki, 86 kq çəki dərəcəsində çıxış edən idmançı həlledici qarşılaşmada bəhreynli Xıdır Saypudinovla üz-üzə gəlib. Rəqibini 5:1 hesabı ilə məğlub edən idmançı İslamiadanın qalibi olub.

Finalda iranlı Yunes Emamiyə uduzan digər sərbəst güləşçi Ağanəzər Novruzov (74 kq) gümüş mükafatla kifayətlənib.

Bundan başqa, Maqomedxan Maqomedov (97 kq) rəqibi xalça üzərinə çıxmadığı üçün, Giorgi Meşvildişvili (125 kq) isə misirli Abdelrehman Şeyatan üzərində qələbə sayəsində bürünc medal əldə edib.

Qeyd edək ki, daha əvvəl Azərbaycan güləşçilərindən Jalə Əliyeva (57 kq) qızıl, İslam Bazarqanov (57 kq), Ruzanna Məmmədova (62 kq), Həsrət Cəfərov (67 kq) və Murad Əhmədiyev (97 kq) gümüş, Elnurə Məmmədova (50 kq) və Nigar Mirzəzadə (68 kq) isə bürünc medal qazanıblar.

14:17

Azərbaycanın daha bir sərbəst güləşçisi Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında finala yüksəlib.

Prosport.Az xəbər verir ki, Ağanəzər Novruzovdan (74 kq) sonra Arseni Cioyev (86 kq) də həlledici görüşə vəsiqə qazanıb.

Onlar bu raundda müvafiq olaraq, iranlı Yunes Emami və bəhreynli Xıdır Saypudinovla qarşılaşacaqlar.

Maqomedxan Maqomedov (97 kq) və Giorgi Meşvildişvili (125 kq) isə bürünc medal uğrunda mübarizə aparacaqlar.

İslamiadaya bu gün yekun vurulacaq.

13:45

Azərbaycanın sərbəst güləşçisi Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında finala vəsiqə qazanıb.

Prosport.Az xəbər verir ki, bəhreynli Maqomedrasul Asluyevə 7:5 hesabı ilə qalib gələn Ağanəzər Novruzov (74 kq) bu raundadək irəliləyib.

Arseniy Djioyev (86 kq) yarımfinala yüksəlib. Maqomedxan Maqomedov (97 kq) 1/4 finalda uduzub.

Yarımfinalda məğlub olan Giorgi Meşvildişvili (125 kq) bürünc medal uğrunda görüşə çıxacaq.

Qeyd edək ki, İslamiada bu gün başa çatacaq.