"Bu, tək "Neftçi" üçün yox, bütün Azərbaycan üçün çox vacib oyun idi".

Prosport.Az xəbər verir ki, bu sözləri "Neftçi" basketbol klubunun baş məşqçisi Vitali Stepanovski FIBA Avropa Kubokunun əsas mərhələsində "Abşeron Layns"a uduzduqları oyundan sonra deyib.

Mütəxəssis 86:95 hesablı məğlubiyyəti şərh edib: "Mən həmişə deyirəm ki, biz bütün Azərbaycanı təmsil edirik və bizim üçün çox çətin bir oyun keçdi. Hətta qələbə qazandığımız birinci oyunda da demişdim ki, "Abşeron Layns" çox yaxşı komandadır. Ancaq onu da deməliyəm ki, bizim vacib oyunçumuz yox idi. Təbii ki, bu da oyunumuza öz təsirini göstərdi. Həmin mövqedəki oyunçunun yoxluğu elə komandanın olmaması kimi bir şeydir".