Azərbaycanın yunan-Roma güləşçisi Murad Əhmədiyev (97 kq) Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarının gümüş medalını qazanıb.

Prosport.Az xəbər verir ki, idmançı finalda İran təmsilçisi Məhammadhadi Saraviyə 1:5 hesabı ilə uduzaraq fəxri kürsünün 2-ci pilləsinə qalxıb.

Bununla da yunan-Roma güləşi üzrə Azərbaycan millisinin İslamiadada qazandığı medalların sayı 2-yə çatıb. Daha əvvəl Həsrət Cəfərov (67 kq) yarışda 2-ci yeri tutub.

Bu gün, həmçinin qadın güləşçilərdən Elnurə Məmmədova (50 kq) bürünc, Jalə Əliyeva (57 kq) isə qızıl medal uğrunda mübarizə aparacaq.