Azərbaycanın iki güləşçisi Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında finala yüksəlib.

Prosport.Az xəbər verir ki, qadın güləşçi Jalə Əliyeva (57 kq) yarımfinalda qırğızıstanlı Sezim Jumanazarovaya "tuş"la qalib gəlib. Yunan-Roma güləşçisi Murad Əhmədiyev (97 kq) türkiyəli Beytullah Kayışdağı 5:1 hesabı ilə məğlub edərək həlledici mərhəkədə iştirak hüququ qazanıb.

Yarımfinalda özbəkistanlı Aktenge Keunimjayevaya uduzan Elnurə Məmmədova (50 kq) isə bürünc medal uğrunda görüşdə qüvvəsini sınayacaq.

Qeyd edək ki, hələlik yunan-Roma güləşi üzrə Azərbaycan millisinin aktivində bir gümüş mükafat var. Yeganə medalı Həsrət Cəfərov (67 kq) qazanıb.