Azərbaycanın yunan-Roma güləşçisi Həsrət Cəfərov Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında gümüş medal qazanıb.

Prosport.Az xəbər verir ki, 67 kq çəki dərəcəsində çıxış edən idmançı finalda iranlı Olimpiya çempionu Səid İsmailiyə 3:8 hesabı ilə məğlub olaraq ikinci yeri tutub.

Nihat Məmmədli (60 kq) isə bürünc medal uğrunda qarşılaşmada uduzub.

Bu gün, həmçinin Ülvü Qənizadə (77 kq) və İslam Abbasov (86 kq) 3-cü yer uğrunda mübarizə aparacaqlar.

Qeyd edək ki, İslamiadaya noyabrın 21-də yekun vurulacaq.