Azərbaycan Basketbol Liqasının VI turunda "Gəncə" öz meydanında A qrupunun autsayderi NTD-ni 90:78 hesabı ilə məğlub edib.

Prosport.Az hər iki komandanın baş məşqçisinin fikirlərini təqdim edir:

Halil Atlı ("Gəncə"): "Rəqibimizi mübarizə əzminə görə təbrik edirəm. Onlar da çətin durumdan keçir. Təhlükəli komandadırlar. Son məğlubiyyətdən sonra konsentrasiya üzərində çox çalışdıq. Oyuna da yaxşı başladıq. Enişli-yoxuşlu oynadıq. Məşqlərdə üzərində çalışdığımız işləri meydanda reallaşdıra bildik. Oyunçulara təşəkkürümü bildirirəm. Azarkeşlərimizə də minnətdarıq. Tribunaları doldurdular. Onlar bizə dəstək verdikcə, biz də yaxşı çıxış edirik".

Tahir Baxşıyev (NTD): "Oyuna yaxşı hazırlaşmışdıq. Bəzi məqamlarda çox yaxşı oynadıq. Təəssüf ki, 3-cü periodda uğursuz çıxış etdik. Amma ən böyük səhvimiz rəqibə hücumda 21 ribaund götürməyə imkan verməyimiz oldu. Bu bizim üçün böyük problemə çevrildi. Halbuki böyük istəklə oynadıq. Hücumda pis çıxış etmədik. Amma rəqibə bu qədər ribaund vermək olmaz. Növbəti oyuna hazırlaşacağıq".