"Avrokuboklarda ilk qələbəmizdən ötrü çox xoşbəxtik. Bakıdakı matçlarda son anda rəqiblərimizi əlimizdən qaçırmışdıq. Biz bu anadək yalnız “Neftçi” ilə matçda yaxşı çıxış etməmişik".

Prosport.Az xəbər verir ki, bu sözləri "Abşeron Layns"ın baş məşqçisi Ərhan Tokər FIBA Avropa Kubokunun IV turunda Estoniyada "Kalev" 101:71 hesabı ilə qalib gəldikləri oyundan sonra deyib.

Türkiyəli mütəxəssis hücumda çox yaxşı performans göstərdiklərini bildirib: "Daha əvvəl də dediyim kimi rəqibə asan xal şansı verməməliyik. Bunu bu gün bacardıq. Hər nə olursa olsun, bunu edə bildik. Həqiqətən oyunçular bir-birinə çox yaxşı enerji verdilər. Müdafiədə yaxşı çıxış etdik. Topu istdəyimiz kimi paylaşdılar. Həqiqətən də oyundan zövq aldılar və Azərbaycanı çox yaxşı təmsil etdilər. Səfər qalibiyyətinə görə hər birimiz çox xoşbəxtik".