"Bu, bizim üçün çox vacib qələbə idi. "Neftçi"nin bütün azarkeşlərini, sevənlərini təbrik edirəm".

Prosport.Az xəbər verir ki, bu sözləri "Neftçi" basketbol komandasının baş məşqçisi Vitali Stepanovski FIBA Avropa Kubokunun IV turunda Polşanın "Trefl" klubuna 92:87 hesabı ilə qalib gəldikləri oyundan sonra deyib.

Mütəxəssis çox güclü komanda olduğunu bildirib: "Polşa çempionatında məğlubiyyəti yoxdur, 5 qələbə qazanıb. Bu  turnirdə də 3 qələbə və sıfır məğlubiiyyətlə çıxış edirdi. Biz ilk komanda olduq ki, onları məğlub etdik. Bu qələbəyə görə çox sevinirik, həm kollektiv, həm də komanda olaraq. Hər kəsə öz təşəkkürlərimizi bildiririk. Ancaq düşünürəm ki, bu, yetərli deyil. Bizim qələbələrimiz gələcək, növbəti oyunlarda da qalibiyyət əldə etməyə çalışacağıq".