"Öncə bizi sevən və dəstəkləyən hər kəsi təbrik etmək istəyirəm. Bu, bizim üçün çox önəmlidir. Biz irəliləyirik".

Prosport.Az xəbər verir ki, bu sözləri "Neftçi"nin baş məşqçisi Vitali Stepanovski Azərbaycan Basketbol Liqasının V turunda NTD-yə 99:71 hesabı ilə qalib gəldikləri oyundan sonra deyib.

Mütəxəssis bugünkü matçda Qallin Smitə istirahət verməsinin səbəbini açıqlayıb: "Dizində kiçik bir problem var idi. Digər basketbolçularımız isə çox yaxşı oyun göstərdilər. Gənc oyunçularımızın da öz çıxışlarını necə yaxşılaşdırdıqlarını görməkdən məmnunam. İndi isə yaxşı əhval-ruhiyyə ilə irəliyə baxırıq. “Trefl Sopot” oyunu üçün hazırlığa başlayacağıq və bütün azarkeşlərimizi bu oyunda bizi dəstəkləməyə dəvət edirəm”.