"Hər kəsi qələbə münasibəti ilə təbrik edirəm. Basketbolçularımız bu gün qəhrəmanlıq göstərdi".

Prosport.Az xəbər verir ki, bunu "Sumqayıt"ın baş məşqçisi Vadim Kuramşın Azərbaycan Basketbol Liqasının V turunda "Sərhədçi" ilə oyundan sonra deyib.

Mütəxəssis 84:80 hesabı ilə qalib gəldikləri görüşü şərh edib: "Bu gün heyətdə cəmi 3 ABŞ-li oyunçu var idi. Müəyyən səbəblərə görə 4-cü basketbolçunu gətirə bilmirik. Yeni legionerin gəlişi ilə komandamızın səviyyəsi daha da yüksələcək. Əslində, biz ötən mövsümə də uğursuz başlamışdıq. Heyəti dəyişdikdən sonra özümüzə gəldik".