"Səfərdə oynamaq həmişə çətindir. Çünki ev komandasının üstünlüyü olur".

Prosport.Az xəbər verir ki, bu sözləri "Sabah"ın baş məşqçisi Rimas Kurtinaytis FIBA Çempionlar Liqasının əsas mərhələsinin III turunda Fransada "Elan Şalon"a 71:84 hesabı ilə məğlub olduqları oyundan sonra deyib.

Mütəxəssis bildirib ki, matça yaxşı başlamasalar da, oyunun gedişində vəziyyəti düzəltməyi bacarıblar: "Lakin keçən dəfə dediklərimi təkrarlamaq məcburiyyətindəyəm. Rotasiya olmadan bu cür oyunlarda qələbə qazanmağımız çətin görünür. Ehtiyatda Endər kimi hazır oyunçuya ehtiyacımız var. Dəyişiklik imkanlarımızın məhdudluğu yekunda 4-cü periodda aktivlik, aqressiv oyun baxımından uduzmağımıza səbəb olur. Oyunçuların sona yaxın yorulması bizə lazım olan atışların qeyri-dəqiq yerinə yetirilməsi ilə nəticələnir. Buna görə də oyunçulara hər hansı iradım yoxdur. Çünki hər biri oyunda var gücünü qoydu. Ümid edirəm, qələbəyə sevinmək növbəsi bizə də çatacaq. Bu istiqamətdə işlər görülür. Amma bunun üçün vaxt lazımdır".