“Düşündüyümüz qədər yaxşı oynaya bilmədik".

Prosport.Az xəbər verir ki, bunu “Abşeron Layns”ın baş məşqçisi Ərhan Tokər FIBA Avropa Kubokunun əsas mərhələsində 86:104 hesabı ilə məğlub olduqları III tur oyunundan sonra deyib.

Türkiyəli mütəxəssis bildirib ki, bəzi oyunçuların performansı istənilən səviyyədə olmadı: "Aubri Makalpaynın zədəsi var idi. Oynadı, amma istənilən effekti vermədi. Qediminas Orelik də həmçinin effektiv deyildi. Müdafiədə əvvəldən tanıdığımız rəqibə qarşı yaxşı oyun sərgiləmədik. “Neftçi”nin atışları çox yaxşı alındı. Bizim üçün də onlara çatmaq çətinləşdi. Bundan sonra Avropadakı matçlarımızda qələbə qazanmağa çalışacağıq. Yolumuzdan dönməyəcəyik. Azərbaycanı təmsil edirik və belə turnirdə qalib gəlmək istəyimiz çoxdur".