“Bu oyunu uduzduq. Oyunun dönüş nöqtəsi basketbolçumuzun bir səhvi oldu. Onunla da uduzduq, 15 xallıq fərq oldu".

Prosport.Az xəbər verir ki, bu sözləri "Quba"nın baş məşqçisi Şəhriyar Əsgərov Azərbaycan Basketbol Liqasında "Lənkəran"a 87:102 hesabı ilə uduzduqları qarşılaşmadan sonra deyib.

Mütəxəssis bildirib ki, arenada yenə də azarkeş yox idi: "Hakimlərin də bəzi mübahisəli qərarları oldu. Buna ilişib qalmaq olmaz. Sadəcə oyunumuz alınmadı. Hansısa oyunçunun yaxşı və ya pis oynadığını deyə bilmərəm. Ümumi komanda olaraq zəif görünürdük. Hələ ki, çatışmayan cəhətlərimiz var. “Lənkəran” da zəif təsir bağışlamır. Legionerləri yaxşı səviyyədədir. 3 nömrəli oyunçuları bu gün yaxşı oynadı. Bir qədər hazırlaşıb daha güclü “Naxçıvan”a qarşı yaxşı oynamalıyıq”.