“Oyunun əvvəli istədiyimiz kimi, alınmasa da, səbr və əzmlə davam edib qələbə qazanmağı bacardıq. Rəqib də bəzi oyunçularının zədəli olmasına baxmayaraq, istəkli görünürdü. Komandada məşqçi hiss olunur. “Gəncə”ni layiqli mübarizəyə görə təbrik edirəm".

Prosport.Az xəbər verir ki, bunu "Sabah"ın baş məşqçisi Rimas Kurtinaytis Azərbaycan Basketbol Liqasının IV turunda "Gəncə"yə 87:68 hesablı məğlubiyyəti şərh edərkən deyib.

Mütəxəssis bildirib ki, qələbə qazanmalarına baxmayaraq, hakimlərin bəzi qərarları onun üçün anlaşılmaz olub: "Çempionlar Liqasına gəldikdə isə hazırda qarşıdakı rəqibimiz “Elan Şalon” qrupun ən güclüsüdür. Heyətlə bağlı problemlərimiz olsa da, ora yaxşı əhval-ruhiyyədə yollanacağıq. Bizi Fransaya uzun səfər gözləyir. Kamranın zədəsinin nə qədər ciddi olduğunu hələ bilmirik. Tillmana isə zədədən sonra bərpa üçün bir həftə vaxt verdik. Yenə də son vəziyyətinə baxıb qərar verəcəyik”.